Pakënaqësitë për Ligjin e Pagave, dy sindikata protestojnë para Qeverisë
Miratimi i Ligjit të Pagave në Kuvendin e Kosovës ka shkaktuar pakënaqësi të reja.
Lajme
Sot, para Qeverisë së Kosovës po protestojnë sindikalistët e Shërbimit Korrektues si dhe ata të Sindikatës së Re të Kekut, raporton lajmi.net.
Të parët kërkojnë rritjen e koeficientit nga 1.85 në 2.2, gjë që do të thotë se do të barazoheshin me Policinë dhe zjarrfikësit e Kosovës.
E sindikalistët e KEK-ut, kërkojnë që kjo korporatë të tërhiqet totalisht nga Ligji i Pagave.
Sipas tyre, kërkesa në fjalë buron nga fakti që ata marrin pagë nga puna dhe djersa e tyre, dhe jo nga buxheti shtetëror.
Të dy sindikatat po protestojnë në të njëjtën kohë para Qeverisë së Kosovës. /Lajmi.net/