Nacionalisti serb nga veriu i Mitrovicës: Serbia i ka paguar shuma të majme Vetëvendosjes
Nacionalisti ekstrem serb nga pjesa veriore e Mitrovicës, Marko Jakshiq, i njohur si njëri prej kundërshtarëve të fuqishëm të marrëveshjeve të arritura në Bruksel mes Republikës së Kosovës dhe Serbisë, ka bërë një postim të radhës në rrjetin social Twitter.
Lajme
I pyetur nga një shqiptar i Kosovës se sa para mund të ketë marrë Lëvizja Vetëvendosje nga shteti serb për dhunën e sotshme në rrugët e kryeqytetit, Jakshiq është përgjigur se Vetëvendosja është paguar mjaft mirë nga Serbia.
Më herët gjatë ditës Jakshiq, të cilin e quajnë doktor të krimit në Mitrovicë, kishte bërë një postim në Twitter ku kishte përgëzuar sekretarin organizativ të Lëvizjes Vetëvendosje, Dardan Molliqaj, për shkatërrimin e veturave qeveritare të Kosovës. Ai kishte shkruar “Ai është Dardan Molliqaj! Ai është Dardan Molliqaj! Ai i ‘do’ xhipat qeveritarë! Gëzuar”!