Në lidhje me këtë, ushtruesi i detyrës së ministrit të Punëve të Jashtme, Petrit Selimi ka thënë për Indeksonline se kanë kërkuar nga Ministria e Punëve të Jashtme të Malit të Zi, që të dënohen autorët e rëndë të këtij krimi.

“MPJ e Kosovës ka dorëzuar Notë Proteste tek MPJ e Malit të Zi, duke kërkuar që autorët e këtij krimi të rëndë të gjinden dhe të dënohen. Ne kemi marr edhe reagimin zyrtar që kjo ishte vepër vandale dhe do të dënohet rëndë” , ka thënë Selimi.

Tutje, Selimi ka thënë se aktet e tilla nuk do të arrijnë të ndikojnë në prishjen e marrëdhënieve në mes Kosovës dhe Malit të Zi.

“ Marrëdhëniet me Malin e Zi janë marrëdhënie partnerësh dhe fqinjësore, radikalet ekstremistë në Malin e Zi tash e shumë vite po tentojnë të shkatërrojnë fqinjësinë e mirë duke kërcënuar dhe atakuar Republikën e Kosovës por nuk do të arrijnë”, ka thënë Selimi.