Ish roja neonaziste, i njohur si ” llogaritar i Aushvwitzit “, ka pranuar se “moralisht” është fajtor.

Groening foli në fillim të gjyqit të tij për të qenë një pjesëmarrës në vrasjen e të paktën 300 mijë hebrenjve në kampin e përqendrimit.

Ai e përshkroi rolin e tij që kishte në Aushwitz e që ishte të numërojë paratë e konfiskuara nga të të vrarët. Groening tha se është dëshmitar për vrasjet masive, por mohoi çdo rol të drejtpërdrejt në gjenocid.

Aktakuza merret vetëm me të ashtuquajturin ‘Operacioni i Hungarisë’, kur më shumë se 434 mijë hebrenj hungarez u dërguan në Auschwitz, diku rreth 300 mijë prej tyre ishin vrarë në dhomat e gazit.

Avokati Donat Hebert, që përfaqëson shtatë viktimat në këtë rast, ka thënë se deri më tani më shumë se 60 viktima janë përfaqësuar në gjyq.

“Ndërsa unë përfaqësoj shtatë nga ta”, ka thënë avokati.

Sipas tij, gjykimi ka gjasa të zgjasë deri në korrik pasi janë paraparë 25 seanca gjyqësore.

“Zyra e prokurorit në Hanover e ka ngritur aktakuzën. Por, ka pasur presion nga ana e disa avokatëve për ta bërë atë, të cilët i përfaqësojnë të mbijetuarit dhe/apo familjet e viktimave”, tha Hebert.

Sipas tij shumica e viktimave janë vrarë, por disa i mbijetuan tmerrit të Auschwitzit.

Deri më tani, sipas Hebert, janë pesë avokatë të cilët përfaqësojnë më shumë se 50 viktima të Holokaustit. /KosovaPress/