Krasniqi kërkon Qeveri pa zëvendësministra
Deputeti i Kuvendit të Kosovës, Jakup Krasniqi thotë se Qeveria e re, e udhëhequr nga Isa Mustafa, nuk duhet të ketë zëvendësministra.
Lajme
Ai propozon që Kryeministri Mustafa duhet tu tregojë qytetarëve se sa para shpenzohen për një ministër dhe zëvendësministër.
Lexoni të plotë reagimin e Jakup Krasniqit
KJO QEVERI NUK DUHET TE KETË ZËVENDËSMINISTRA
Pasi qeveria e “re” e Kosovës, ka kabinetin më të madh në Botë, atëherë çdo qytetari të Kosovës e ka të drejtën të kërkoj nga Kryeministri i Kosovës që mos të ngarkohet buxheti i tyre edhe me 70 zëvendësministra. Për faktin se buxheti i Kosovës nuk është vetëm i te punësuarve në administratën e shtetit dhe në shërbimet publike të Kosovës, por është buxhet që duhet të jetë në shërbim të çdo qytetari të vendit.
Është e domosdoshme, që Kryeministri të jep një informacion të plotë para opinionit, sesa kushton në vit një ministër me stafin e tij politik, sa kushton një zëvendëskryeministër me stafin e tij politik dhe sa kushton një zëvendësministër me stafin e tij, natyrisht duke përfshirë edhe shpenzimet e tjera që i kanë në dispozicion. Në fund duhet të dihet sesa kushton i tërë kabineti qeveritar,
Sipas një llogarie të thjesht del se: nëse një zëvendësministër me te gjitha shpenzimet kushton 2000 euro ( gjë që është e pa mundur), 70 zv.ministrat, buxhetit të Kosovës i kushtojnë 1.680.000 euro në vit, ndërsa, nëse ai harxhon 3000 euro në muaj, ata buxhetit të Kosovës i kushtojnë 2.520.000 euro në vit dhe sa kushton nëse shpenzimet e tij mujore e kalojnë shumën prej 3000 eurove. Pra është e domosdoshme që këto shpenzime të bëhen transparente.