Me këtë rast, ministri Krasniqi e njoftoi kryetarin edhe për skemat e  reja mbështetëse të këtij programi, në kuadër të cilave përfshihet edhe sektori i perimtarisë, në të cilin kjo komunë ka potencial për të rritur nivelin e prodhimtarisë, e i cili sipas ministrit do të gjejë mbështetje të madhe si përmes granteve investive, ashtu edhe përmes pagesave direkte.

Krasniqi theksoi se fushat e punuara të komunës së Mamushës dhe rezultati i fermerëve dhe shoqatave të kësaj ane në prodhimtarinë e perimeve janë suksese të mëdha në fushën e bujqësisë, pasi që prodhimet e tyre po depërtojnë edhe në tregun e rajonit e më gjerë.

Po ashtu u konfirmua gatishmërinë e MBPZHR-së për të thelluar bashkëpunimin me këtë komunë, me qëllim të zhvillimit të mëtejmë të sektorit të perimtarisë në këtë rajon.

Kreu i Mamushës, Arif Bytyçi e falënderoi Krasniqin për gatishmërinë për avancim të projekteve në këtë sektor. Ai e njoftoi ministrin edhe për sfidat dhe të arriturat në fushën e bujqësisë, si dhe shprehu përkushtimin për të bashkëpunuar edhe më tej me këtë ministri, me qëllim të zhvillimit të mëtejmë të sektorit të bujqësisë.

Ministri Krasniqi takoi të hënën edhe drejtuesit e Shoqatës së institucioneve mikrofinanciare, të cilët i porositi që të kopntribuojnë ne në zhvillimin e bujqësisë.  

Në këtë kontekst ai tha se Qeveria në të ardhmen do të shqyrtojë mundësinë e subvencionimit të pjesshëm të kamatave nga portofoli kreditor që i dedikohet bujqësisë, duke u bazuar në shembujt më të mirë që mundësojnë rritjen e investimit në bujqësi dhe zhvillim rural.

Vahdet Anadolli, kryetar i kësaj shprehu gatishmërinë për të bashkëpunuar me MBPZHR-në dhe institucione të tjera në funksion të mbështetjes më të gjerë të fermerëve, veçanërisht të atyre që kanë vështirësi për t’u kredituar nga bankat komerciale.