Ish Zëdhënësi i Departamentit Amerikan të Shtetit, James Rubin do të qëndrojë në Kosovë.

Rubin do të marrë pjesë në një seminar ndërkombëtar të organizuar nga Ministria e Jashtme e Kosovës që mbahet më 22 nëntor.

Në seminarin me temë “Sfidat e ndërhyrjes humanitare në kontekstin e pas 11 shtatorit: Rastet e Kosovës dhe Sirisë”, përveç James Rubin, panelistë do të jenë edhe Ministri i Punëve të jashtme i Kosovës, Enver Hoxhaj dhe eksperti i Lindjes së Mesme dhe Afrikës së Veriut, Nadim Shehadi. Seminari do të modelohet nga publicisti i njohur Tim Judah.

James Rubin, gazetar dhe ish-diplomat në mandatin e Presidentit të Shteteve të Bashkuara të Amerikës, Bill Clinton, ka shërbyer në cilësinë e Ndihmës Sekretarit të Shtetit për Çështje Publike dhe zëdhënësit kryesor të Departmentit të Shtetit nga viti 1997 deri në maj të vitit 2000.