Islam, 17 vjeçari që ka fituar 72 milionë dollarë (Video)
Nuk i ka mbushur ende 18 vjet, por vlerësohet se përmes tregut të aksioneve me të cilin merret që nga mosha nëntëvjeçare, ka fituar më shumë se 72 milionë dollarë.
Bota
Tinejxheri Mohammed Islam, që jeton New York, pauzat në shkollë i kalon duke bërë tregti me naftë e ar. Ndërsa, kur nuk është në shkollë, i dërgon miqtë në ndeja luksoze.
Se sa vlen saktësisht nuk tregon, por flet për shifra tetëshifrore. Tregon se ka blerë BMW të shtrenjtë, por se nuk ka leje shoferi; se ka marrë me qira një apartament në Manhattan, porse prindërit (emigrantë nga Azia), nuk e lënë të largohet nga shtëpia familjare në Queens, transmeton Telegrafi.
Mënyrën e jetës së tij luksoze ai e lëvdon edhe në rrjetet sociale. P.sh. publikon video nga piknikët, duke luajtur poker apo duke vallëzuar me shumë vajza.
Paratë e fituara i mendon edhe për prindërit, të cilët dëshiron t’i ndihmojë në të ardhmen.
“Çka e lëviz botën? Paraja. Nëse paraja nuk rrjedh, kompanitë nuk punojnë, nuk ka asnjë risi, asnjë prodhim, asnjë investim, nuk ka rritje, nuk ka punë”, thotë 17-vjeçari në profilin e tij në Instagram. “Më shumë para, më pak probleme” .
Ndonëse ka fituar shumë, ai nuk planifikon të ndalet, por ta shtojë pasurinë.