Të mërkurën pasdite u dha një alarm sigurie dhe menjëherë dy avionët janë nisur nga baza e Forcave Ajrore “Coningsby” në Lincolnshire.

Sipas BBC-së, një zëdhënës i Forcave Ajrore tha se situata ishte duke ndodhur dhe kjo nuk ishte një gjë e pazakonshme, pasi avionët “Typhoons” janë në gatishmëri pas çdo alarmi që jepet.

Hapësira ajrore britanike përfundon 12 milje nga vija bregdetare e Mbretërisë së Bashkuar.

Mediet britanike shkruajnë se kjo nuk është hera e parë që avionët britanikë iu shfaqen përpara atyre rusë në këto 12 muajt e fundit, pasi kjo ka ndodhur disa herë.

Në nëntor dy avionë rusë Tu-160 u shoqëruan nga avionët britanikë pasi ishin duke fluturuar mbi Atlantik.