Dëshmitari: Gjyqtari i EULEX-it u korruptua nga grupi i Xhabir Zharkut
Dëshmitari Shpend Qerimi, në ditën e dytë të dëshmisë, ka treguar se grupi i Xhabir Zharkut kishte korruptuar një gjyqtar të EULEX-it për ta liruar Nysret Cenën nga akuza për shpërthimin në lokalin “Sekiraça”.
Lajme
Koha Ditore shkruan se Qerimi ka thënë se rasti është nën hetim dhe për këtë arsye nuk ka dhënë detaje tjera. Ndonëse nuk ia ka përmendur emrin, kryetar i trupit gjykues ka qenë gjyqtari italian Françesko Florit.
Dëshmitari ka treguar po ashtu se kishte marrë kërcënime me jetë nga grupi i Xhabir Zharkut nëse do të tregonte për shpërthimin në lokalin “Sekiraça”.
Dëshmitari Shpend Qerimi, i dënuar me 25 vjet burgim për këtë shpërthim me pasoja fatale, ka treguar në ditën e dytë të dëshmisë se si ishin përpjekur të fshihnin gjurmët e krimit.
Ai ka folur edhe për një vrasje të trefishtë për të cilën është i dënuar po ai së bashku me Besnik Hasanin me nga 33 vjet burgim.