Të Infektuar: 4931

Të Shëruar: 2267

Të Vdekur: 102

ZYRTARE: Vendimi i UEFA-s ‘detyron’ largimin e trajnerit të Danimarkës

16:57 | 18 Mars 2020

Trajneri Åge Hareide nuk do ta çojë Danimarkën në Kampionatin Evropian.

Dje, për shkak të emergjencës së koronavirusit, UEFA vendosi të shtyjë garën për një vit, por trajneri danez do të largohet nga udhëheqja e ekipit të tij kombëtar këtë verë.

Federata kishte vendosur tashmë që nga 1 gusht trajneri do të ishte Kasper Hjulmand dhe vendimi u konfirmua gjithashtu në orët e fundit.

“Është turp të humbasësh finalet evropiane dhe një problem i madh për Danimarkën, por kjo është një situatë shumë e veçantë. Ka njerëz që janë të sëmurë, njerëz që vdesin dhe njerëz që humbasin punën e tyre. Ishte kënaqësi të punoja me këta lojtarë ”, tha Hareide pas largimit.

Kujtojmë se trajneri kishte kontratë deri në përfundimin e Evropianit, i cili planifikohej të luhej këtë verë, andaj Federata daneze kishte marrë masa më herët për të kërkuar zëvendësimin e tij. Kësisoj, Hareide nuk do ta drejtojë kombëtarën skandinave në EURO 2021. /Lajmi.net/