ZYRTARE: Van Ginkel në Milan
Milani i ka siguruar shërbimet e mesfushorit Marco Van Ginkel. Pasi t’i kalojë vizitat mjekësore, futbollisti do të nënshkruajë me Rossoneri. Ai do të qëndrojë për një vit në San Siro.
![](https://lajmi.net/wp-content/uploads/media/image/201409/full/55221100_55229300.jpg)
Sport
Një tjetër holandez në Milan. Milani e ka transferuar futbollistin e ri të Chelseat, Marco Van Ginkel.
Futbollisti ka arritur sonte në aeroportin e Linates pas orës 22:30 së bashku me menaxherin e tij, ndërsa ka përfunduar në zyrat e Rossoneri.
I lindur në vitin 1992, Van Ginkel është rritur tek të rinjtë e Vitesses. Ai ishte transferuar në vitin 2013 tek Blues, por nuk iu dha rasti që t’i shfaq kualitetet e tij.
Ai e kishte pësuar një lëndi të rëndë pas vetëm katër paraqitjesh me ekipin e Jose Mourinhos. Futbollisti është huazuar në Milan, por mund të qëndrojë në San Siro më shumë se për një sezon.