Kryeministri i Kosovës Albin Kurti dhe Ministri i Financave, Hekuran Murati kanë deklaruar sot në një konferencë për media se janë dyfishuar dhe trefishuar shtesat e fëmijëve.

Në lidhje me këtë, Zyra e Kryeministrit ka dhënë detaje.

Përmes një komunikate, ZKM ka thënë se me skemën e re, për fëmijën e parë dhe të dytë, shtesat e reja do të jenë nga 20€ në muaj secili, ndërsa për nënat që kanë tre fëmijë e më shumë, shtesat do të jenë nga 30€ në muaj, për secilin prej fëmijëve – pra edhe për të parin edhe të dytin vlen shtesa 30€ në muaj.

Kjo skemë do të fillojë zbatimin nga muaji i ardhshëm, gusht 2024.

“Nga skema e shtesave për fëmijë, përfitojnë mbi 400 mijë fëmijë. Kosto vjetore e skemës së re parashihet të jetë 120 milionë €”, thuhet në komunikatë.