Të Infektuar: 37.792

Të Shëruar: 23.274

Të Vdekur: 975

Zhytësi italian “takohet” ballë përballë me anakondat 7 metërshe, që peshojnë afro 100 kilogramë

17:51 | 28 Shkurt 2020

Fotografi takon anakondën gjigante që pëshonte 100 kilogramë, dhe ishte e gjatë 7 metra.

Fotografi italian ka pasion të madh për krijesat nënujore. Ai jo vetëm që është zhytës profesionist që argëtohet me peshkaqen, por Bartolomeo Bove gjithashtu udhëton nëpër botë për t’i filmuar dhe fotografuar ato nëpër habitate, dhe përvojat e tij i shpërndanë në kanalin zyrtar në YouTube.

Në korrik të vitit të kaluar, Bove udhëtoi në Brazil ku filmoi gjarprin më të madh në botë, anakondën legjendare me ngjyrë të gjelbër.

Habitati i anakondave në Amerikën e Jugut është shumë i përshtatshëm për këto krijesa, pasi kanë objekte të ndryshme nën ujë nëpër të cilat mund të fshihen.

Për fat të mirë ai arriti ta gjej “çerdhen” e tyre në lumin Formoso në Brazil, vendi i vetëm me ujë të kthjellët nga ku mund të shihen qartë duke notuar anakondat gjigante, transmeton Telegrafi.

Bove dhe partneri i tij i zhytjes Juca Ygarape, gjetën dy anakonda mbi 7 metra të gjatë dhe që peshojnë afro 100 kilogramë. Ky fakt nuk i frikësoi aspak dyshen, përkundrazi ata u argëtuan me anakondat. Se për çfarë bëhet fjalë shikoni videon e publikuar më poshtë.