Ministrat e Jashtëm të BE-së ranë dakord në parim mbrëmë për të zgjatur sanksionet kundër Iranit pas sulmit ndaj Izraelit, tha sot Përfaqësuesi i Lartë i BE-së për Politikën e Jashtme dhe Sigurinë, Josep Borrell.

BE-ja ka vendosur më parë sanksione kundër Iranit në disa raste, për shkak të forcimit të armëve të shkatërrimit në masë, shkeljeve të të drejtave të njeriut dhe dërgimit të dronëve në Rusi.

Megjithatë, disa anëtarë të BE-së kanë kërkuar që sanksionet e dronëve të shtrihen për të mbuluar dërgesat e raketave për aleatët e tyre.

“Ne arritëm një marrëveshje politike për të rritur dhe zgjeruar sanksionet ekzistuese ndaj dronëve për të mbuluar raketat dhe transferimin e tyre eventual në Rusi”, tha Borrell pas një takimi të diplomatëve të BE-së në Luksemburg.

Sipas tij, sanksionet duhet të shtrihen për dërgesat e dronëve dhe raketave jo vetëm në Rusi, por edhe në aleatët e tjerë në rajon.

Kujtojmë se më 13 prill, Irani sulmoi Izraelin me qindra dronë dhe raketa balistike. Izraeli iu përgjigj sulmit më 19 prill.