Zgjedhjet në Podujevë dhe në veri të Mitrovicës, ky është reagimi i Zyrës së BE-së
Mbajtjen e zgjedhjeve në komunën e Podujevës dhe Mitrovicës së Veriut në kohën kur vendi po përballet me pandeminë COVID-19 e ka vlerësuar shefi i Zyrës së Bashkimit Evropian në Kosovë, Tomas Szunyog.
Lajme
Ai ka shkruar në Twitter se përfshirja aktive e qytetarëve është e rëndësishme për një proces të besueshëm zgjedhor dhe demokracinë.
Ai pati lëvdata për punën e bërë nga Komisioni Qendror i Zgjedhjeve (KQZ).
“I vlerësoj votuesit që morën pjesë në Podujevë dhe Mitrovicën Veriore në ditën e zgjedhjeve, edhe pse pati kufizime për shkak të COVID-19. Përfshirja aktive e qytetarëve është e rëndësishme për një proces të besueshëm zgjedhor dhe demokracinë. Punë e mirë është bërë edhe nga Komisioni Qendror i Zgjedhjeve”, shkruan ai.
Ndryshe kandidati i Lëvizjes Vetëvendosje, Shpejtim Bulliqi ka arritur të fitojë zgjedhjet në Podujevë me 51.64% të votave.
Kurse në veri të Mitrovicës, zgjedhjet e jashtëzakonshme i fitoi kandidati i Listës Serbe, ku mori 89.86%.
Kujtojmë se komuna e Podujevës dhe ajo e Mitrovicës së Veriut shpallën zgjedhjet pasi dy ish-kryetarët, Agim Veliu e Goran Rakic morën poste në Qeverinë Hoti./Lajmi.net/