Gjermanët votojnë në zgjedhjet më të rëndësishme të viteve të fundit. Rezultatet do të përcaktojnë drejtimin e ardhshëm politik të vendit.

Gjermanët po votojnë sot në një zgjedhje të rëndësishme, të vëzhguar nga afër nga Evropa dhe SHBA. Fushata është dominuar nga ekonomia në vështirësi dhe shqetësimet për sigurinë pas një serie sulmesh vdekjeprurëse. Friedrich Merz, lideri konservator 69-vjeçar, është favorit për t’u bërë kancelari i ardhshëm i Gjermanisë, duke premtuar reforma të mëdha për katër vitet e ardhshme.

Nëse CDU-ja e Merz fiton, ai do të duhet të formojë një koalicion, me gjasë me socialdemokratët e Olaf Scholz, pasi qeveria e tyre u shemb vitin e kaluar. Merz ka refuzuar çdo mundësi për të bashkëpunuar me Alternativën për Gjermaninë (AfD), e cila pritet të dalë si forca e dytë më e madhe politike.

Ndërkohë, pjesëmarrja në zgjedhje është e lartë, me miliona votues që kanë votuar me postë dhe 20% të tyre ende të pavendosur deri në ditën e votimit.

Këto zgjedhje janë një moment kyç për Gjermaninë dhe politikën e saj globale. Berlini është nën presion për të rritur shpenzimet ushtarake, ndërsa raportet me SHBA-në janë më të tensionuara.

AfD ka fituar terren, veçanërisht në Perëndim, duke sfiduar tabu të vjetra politike. Ndërsa votimi përfundon në orën 18:00, rezultatet e para priten gjatë mbrëmjes.