Zëvendëskryetari i Partisë Demokratike të Kosovës, Kadri Veseli, i cili po zhvillon një vizitë zyrtare në Gjermani, në një intervistë për Deutsche Welle, ka deklaruar se takimet me zyrtarë të  CDU kanë qëllim thellimin e bashkëpunimit.

Ai ka pohuar se PDK ka synime të ngjashme me këtë CDU.

Veseli ka thënë se në zgjedhjet e përgjithshme, të cilat pret që të mbahen në javën e fundit të shtatorit, PDK synon mandatin e tretë, sikurse bëri CDU.

“Besoj se zgjedhjet do të mbahen në javën e fundit të shtatorit të këtij viti.”

“Besoj se do të kemi një proces të ndershëm dhe demokratik zgjedhor.”

“PDK edhe në zgjedhjet lokale ka qenë subjekti më i fuqishëm politik. Ne do të shpalosim programin tonë drejt integrimeve uvropiane, drejt shtetit ligjor, drejt një shteti të zhvilluar dhe të fuqishëm ekonomik.”

“Gjithsesi presim të fitojmë edhe mandatin e tretë me radhë”.