Analisti Visar Ymeri ka theksuar se nuk mund të flitet për një imazh të mirë ndërkombëtar kur Repbulika e Kosovës është nën sanksione nga Bashkimi Evropian.

“Kosova është nën sanksione, kjo nënkupton që imazhi për Kosovën nuk është i mirë”, ka deklaruar ai.

Ai gjithashtu ka potencuar se kritikat ndërkombëtare për Kosovën, që vijnë nga SHBA-ja  dhe vendet anëtare të BE-së, janë të paprecedenta dhe kanë të bëjnë me sjelljen e Qeverisë Kurti.

Për më tepër, Ymeri e cilësoi rritjen e korrupsionit qeveritar si një tjetër shqetësim.

Ai ka theksuar gazetarët po hasin vështirësi të mëdha në punën e tyre për shkak të sjelljes së qeverisë, përfshirë linçimin publik.

“Në raportin e DASH-it theksohet për çdo vit që ka rritje  të korrupsionit qeveritar, edhe që ka cungim të lirisë së shprehjes, të gjitha raportet e thonë që në Kosovë po vështirësohet puna e gazetarëve për shkak të sjelljes qeveritare, prej linçimit publik”, ka deklaruar Ymeri në dukagjin.