Superliga e Kosovës në basketboll i rikthehet aksionit këtë vikend, ku do të kemi disa përballje tejet interesante.

Xhiron e tretë të këtij sezoni e hap ndeshja mes KB Vëllaznimit dhe Proton Cable Prizreni, raporton KosovaPress.

Ndërkaq, dita e diel do të përcillet me dy përballje tejet interesante, ku spikat dueli mes Sigal Prishtinës dhe Golden Eagle Yllit.

Kurse derbi mes Pejës dhe Trepçës është shtyrë, ku do të zhvillohet të enjten e 12 tetorit me fillim nga ora 18:00.

Orarin e xhiros së tretë të Superligës së Kosovës në basketboll e gjeni më poshtë.