Paraqitja dinjitoze e futbollistëve të rinj të Gjilanit kundër Prishtinës të hënën, ka rënë edhe në sytë e futbollistit shqiptar Xherdan Shaqiri.

Reprezentuesi i Zvicrës që ka prejardhje nga Zhegra e Gjilanit e ka duartrokitur paraqitjen e futbollistit të ri, Eldonit Shaqirit, që njëherit është edhe kushëriri i afërt i tij, shkruan lajmi.net.

Shaqiri ka publikuar në Instagram një fotografi të Eldonit Shaqirit gjatë ndeshjes kundër Prishtinës duke përdorur edhe disa figura emoji.

Eldonit Shaqiri ka qenë pjesë e skuadrës U21 të Gjilanit por në mungesë të futbollistëve debutoi në elitën e futbollit kosovar.

Gjilani kaloi nëpër një krizë të madhe financiare e organizative kohët e fundit, madje duke i shtyrë edhe dy ndeshjet e para kampionale për të njëjtën arsye./Lajmi.net/