Që kur mori frenat në nëntor të vitit 2021, Xavi Hernandez u ka dhënë shpesh lojtarëve të rinj mundësinë të paraqiten për ekipin e parë.

Këtë sezon, lojtarë si Angel Alarcon, Aleix Garrido dhe Estanis Pedrola janë thirrur të gjithë në periudha të ndryshme.

I fundit që është përfshirë është Lamine Yamal, i cili është thirrur në skuadër për përballjen e së dielës kundër Atletico Madrid, transmeton lajmi.net.

Yamal vlerësohet shumë te Barcelona dhe ka stërvitur me ekipin e parë në disa raste, por më parë ai nuk ishte përfshirë në një skuadër të ditës së ndeshjes.

Në moshën 15 vjeç e 283 ditë, Yamal është lojtari më i ri që është përfshirë ndonjëherë në skuadrën e ekipit të parë të Barcelonës dhe ai do të bëhej lojtari më i ri i klubit nëse do të luante kundër Atleticos.

? The squad for #BarçaAtleti! pic.twitter.com/onyU4XoUQL

— FC Barcelona (@FCBarcelona) April 22, 2023

Në skuadrën e parë të Barcelonës janë rikthyer edhe Pedri dhe Frenkie De Jong. Pedri ka qenë jashtë që nga mesi i shkurtit, ndërsa De Jong nuk ka luajtur që nga El Clasico para pushimit ndërkombëtar.

Barcelona do të ketë një detyrë të vështirë për të mposhtur Atletico Madridin të dielën./Lajmi.net/