Toto Wolff beson se skuadra e Mercedes do të kthehet fuqishëm në garë në sezonin tjetër.

Mercedes ka parë vetën si skuadër inferiore në raport me Red Bull në këtë edicion në Formula 1, kur Max Verstappen u shpall kampion shumë gara para fundit të kalendarit.

Megjithatë, Toto Wolff thotë se ky sezon s’e shënon fundin e dominimit të Mercedes, por është vetëm një ndërprerje e vogël.

“Copëzat janë të plota tani. Arsyeja që nuk performuam siç pritej këtë vit është sepse s’i kishim të bashkuara copëzat e enigmës”, ka thënë Wolff, transmeton lajmi.net.

“Më besoni, ky s’është fundi i dominimit tonë, kjo është vetëm një ndërprerje e shkurtër”, shtoi shefi i Mercedes Petronas.

Mercedes s’ka marrë asnjë fitore këtë edicion në Formula 1, me Lewis Hamilton dhe George Russell në grid. /Lajmi.net/