Wenger: Ky ekip i madh nuk është kandidat për titull në Premierligë
Arsene Wenger nuk beson se Manchester United mund të luftojë për titull në Premierligë.
Sport
Arsene Wenger ka përjashtuar Manchester Unitedin nga gara për titull në Premierligë gjatë këtij sezoni dhe ka hedhur dyshime nëse skuadra do të arrijë ta rikthejë madhështinë e dikurshme.
Pas katër ndeshjeve në sezonin e ri ku “Red Devils” kanë shënuar vetëm një fitore, humbur një dhe barazuar dy, ish menaxheri i Arsenalit sheh potencial te skuadra e Ole Gunnar Solskjaer por insiston se ata nuk janë gati për top katërshe.
“Kur e shihni ekipin e Man Utd, ata janë shembull se ka potencial aty”, deklaroi Wenger për “beIN Sports”, transmeton lajmi.net.
“Por, ata nuk e kanë gjetur ende një mënyrë kolektive. Kur i shikoni duke luajtur, ata nuk janë kandidat për të luftuar për titull të kampionit në Premierligë”, theksoi francezi. /Lajmi.net/