Legjenda e Manchester United, Wayne Rooney nuk ka kursyer lëvdatat e tij për boksierin britanik, Tyson Fury.

Tyson Fury ruajti mbrëmë me sukses titullin e tij të kampionit WBC, në një duel ndaj Dereck Chisora, të cilin e ndali me KO.

Rooney beson se Fury është boksieri më i mirë që ka parë së fundmi në boks, dhe se nuk ka ndonjë që mund ta mposht atë.

“Ai është më i miri që kemi parë për një kohë të gjatë. Nuk mendoj se dikush mund ta mposht atë. Mendoj se është një legjendë, për atë që ka bërë në boks”, ka thënë Rooney për Fury, përcjell lajmi.net.

“Ai është zbavitës, ka aftësi të shkëlqyera, mentalitet të jashtëzakonshëm, dhe nëse jam i sinqertë, mendoj se duhet të nderohet (knighted*)”, ka shtuar Wazza.

Fury vazhdon të jetë i pamposhtur në rekordin e tij në boksin profesionist, dhe tani synon unifikimin e titujve të peshave të rënda. /Lajmi.net/