Neil Warnock nuk ka kursyer lëvdatat për Manchester Cityn dhe Pep Guardiolan.

Trajneri spanjoll, Pep Guardiola ka marrë disa lëvdata nga Neil Warnock për mënyrën se si e ka përgatitur skuadrën e Manchester City.

Ish-trajneri anglez, Warnock beson se City është skuadra më e mirë që ka parë në jetën e tij.

“Skuadra e tij, për momentin, gjatë dy viteve të fundit, është skuadra më e mirë që kam parë në jetën time. Kurrë s’kam parë diçka sikur kjo”, ka thënë Warnock, përcjell lajmi.net.

Warnock është përballur me Man Cityn e Guardiolas edhe sa ishte aktiv, kur drejtonte skuadrën e Cardiff.

Ai nuk është i vetmi që e ka pësuar keq nga skuadra e Pep Guardiolas, por megjithatë, nuk i kursen komentet pozitive. /Lajmi.net/