Këshilltari i Sigurisë Kombëtare i Shtëpisë së Bardhë, Mike Waltz vazhdon ta mbrojë Presidentin Trump, duke thënë se ai ka biseduar me aleatët evropianë, përfshirë presidentin francez Emmanuel Macron, i cili pritet të vizitojë SHBA-në së bashku me kryeministrin e Mbretërisë së Bashkuar Keir Starmer javën e ardhshme.

“Ne po angazhojmë të gjithë aleatët tanë evropianë, absolutisht. Sekretari i përgjithshëm i NATO-s dhe unë sapo folëm”, thotë ai.

Dhe vijon:”Ju vendosni paqen përmes forcës”.

Ai shton se SHBA-ja ka kërkuar që evropianët “të rriten” dhe “të kontribuojnë në mbrojtjen e tyre”.