Një 26 vjeçar është therur me thikë dhe më pas është hedhur nga një veturë.

26 vjeçari në Prizren humbi jetën si shkak i plagëve të marra në këtë rast.

Pas këtij rasti, Policia e Kosovës ka njoftuar se është arrestuar edhe personi i dytë i cili dyshohet se nuk ka ndihmuar viktimën dhe po ashtu nuk ka lajmëruar rastin tek organet kompetente.

“Njësiti i hetimeve rajonale të policisë në Prizren me datën 08.07.2024, përmes rrugëve operative ka arritur që të lokalizon dhe arreston të dyshuarin: H.B (viti i lindjes 1995), mashkull kosovar shqiptar)”, thuhet në njoftim.

Policia sqaron se arrestimi i tij është bërë me dyshimin se i njëjtit ka qenë i përfshirë në një rast “Lëndim i rëndë trupor” nga neni 186,pargrafi dhe “Mosdhënia e ndihmës” neni 188 paragrafi 4 si dhe “Moslajmërimi i veprave penale apo kryeseve të tyre”, neni 378,par.1.pika 1.3, i cili ka ndodhur më datën 06.07.2024, në lagjen Bazhderana në Prizren.

Policia thotë se i dyshuari është shoqëruar ne SRH-Prizren, ku në prani të avokatit mbrojtës është intervistuar.

“I dyshuari, ka qenë në dijeni për veprën penale si dhe kryerësin e veprës penale, i njëjti nuk e ka lajmëruar veprën penale si dhe kryesin e saj, po ashtu nuk i ka ofruar ndihme viktimës. Në lidhje me rastin në cilësinë e provave materiale është sekuestruar një automjet me targa vendore, pronë e të dyshuarit H.B”, bën të ditur policia.

Në lidhje me rastin është njoftuar prokurori i shtetit i cili ka udhëzuar që i dyshuari të ndalohet për 48 orë.

Në lidhje me vrasjen e 26 vjecarit, Auron Thaqi, Policia e Kosovë ka arrestuar edhe një shtetas turk.

“Prizren / 06.07.2024 – 23:50. Në lidhje me rastin, më 07.07.2024 gjersa ishte në tretman mjekësor në QKUK, ka ndërruar jetë viktima mashkull Kosovar. Lidhur me rastin është arrestuar një i dyshuar mashkull shtetas i Turqisë. Me vendim të prokurorit trupi i pajetë i viktimës është dërguar në IML për autopsi, kurse i dyshuari është dërguar në mbajtje”./Lajmi.net/