Toby Vogel, ekspert i politikës së jashtme të Bashkimit Evropian (BE) nga Këshilli i Politikave të Demokratizimit (DPC), në Bruksel të Belgjikës, ka thënë se dialogu Kosovë-Serbi për një kohë të gjatë ka qenë në gjendje të keqe, duke shërbyer vetëm si një forum për menaxhimin e krizave të prodhuara.

Përmes platformës ‘X’, Toby Vogel, ekspert i politikës së jashtme të Bashkimit Evropian (BE) nga Këshilli i Politikave të Demokratizimit (DPC), duke komentuar deklaratën e Josep Borrellit për procesin e dialogut Kosovë-Serbi, se nuk do të dorëzohet derisa se të arrihet një zgjidhje deri në fund të mandatit të tij, tha se “dialogu ka qenë në gjendje të keqe për një kohë të gjatë, duke shërbyer vetëm si një forum për menaxhimin e krizave të prodhuara”.

Sipas tij, takimi i nesërm i dialogut është “një ushtrim për të ndërtuar trashëgimi për të lejuar Borrellin dhe Lajçakun të deklarojnë se procesi po vazhdon dhe Vuçiqi e Kurti do të marrin fletëpalosje të ‘Planit të Rritjes’ dhe lavdërime nga BE. E gjitha thjesht shfaqje”.

So tomorrow’s dialogue meeting is a legacy-building exercise to allow Borrell and Lajcak to declare that the process continues and is delivering. In return, Vučić and Kurti will get Growth Plan handouts and praise from the EU. All purely performative. https://t.co/sbbEWzRFz8

— Toby Vogel (@tobyvogel) June 25, 2024