Presidentja e Kosovës, Vjosa Osmani ka pritur sot në takim të Ngarkuarën me Punë të Ambasadës së ShBA-së në Kosovë, znj. Anu Prattipati.

Në këtë takim u diskutua rreth zhvillimeve të fundit në vend, përkushtimin e institucioneve të Kosovës për ruajtjen e stabilitetit dhe avancimin e reformave demokratike, bënë të ditur Presidenca, transmeton lajmi.net.

Osmani konfirmoi gatishmërinë e Kosovës për të thelluar partneritetin strategjik me administratën e re amerikane, duke u bazuar në vlerat dhe interesat e përbashkëta.

“Gjatë takimit, Presidentja Osmani dhe znj. Prattipati diskutuan për zhvillimet e fundit në vend, duke përfshirë përkushtimin e institucioneve të Kosovës për të ruajtur stabilitetin dhe për të çuar përpara reformat demokratike.Në takim u diskutua edhe për pjesëmarrjen e delegacionit presidencial të Kosovës në aktivitetet inauguruese të Presidentit të sapozgjedhur të SHBA-ve, Donald Trump. Me këtë rast, Presidentja Osmani edhe njëherë konfirmoi angazhimin dhe gatishmërinë e Kosovës për të vazhduar thellimin e partneritetit me administratën e re amerikane, bazuar në vlerat e përbashkëta dhe interesat strategjike.” – thuhet në njoftim ndër të tjera.