Presidentja e Republikës së Kosovës, Vjosa Osmani, është pritur me nderime të larta shtetërore në kompleksin qeveritar Perdana Putra në Putrajaya në Malajzi.

Ky shtet para pak ditësh ka vendosur t’i heqë vizat për shtetasit e Kosovës për udhëtime të shkurtra, me Osmanin që e kishte cilësuar këtë hap të rëndësishëm dhe kishte zbuluar se Kosova do të hapë ambasadën e saj në Kuala Lumpur gjatë vizitës së saj.

“Faleminderit Kryeministër Anwar Ibrahim për mikpritjen”, shkroi sot presidentja Osmani në postimin e saj në Facebook.