Mbrëmë ka ndërruar jetë një person në Zubin Potok, pasi që i njëjti ishte goditur nga një veturë, shkruan lajmi.net.

Policia e Kosovës ka bërë të ditur se ngjarja ka ndodhur rreth orës 20:20, ku një shofer nga pakujdesia kishte goditur një këmbësor, i cili fatkeqësisht ka ndërruar jetë menjëherë.

“Viktima ka vdekur në vendngjarje. Vdekjen e viktimës e ka konstatuar mjeku kujdestar”, thuhet në njoftimin e policisë.

Me vendim të prokurorit trupi i pajetë është dërguar për obduksion në Institutin e Mjekësisë Ligjore, përderisa i dyshuari është dërguar në mbajtje. /Lajmi.net/