Vetëvrasja e zyrtarit policor në banesën e tij në Prishtinë – Çka dihet deri me tash?
Gjatë ditës së sotme qyteti i Prishtinës u tronditë nga një vetëvrasje, ku dyshohet se zyrtari policor, Alban Tolaj i dha fund jetës. Tolaj dyshohet se u vetëvra në banesën e tij rreth orës 14:00 në banesën e tij në rrugën “Ahmet Korenica” në Prishtinë. Lajmi.net mësoi nga burimet e veta se në momentin kur…
Lajme
Gjatë ditës së sotme qyteti i Prishtinës u tronditë nga një vetëvrasje, ku dyshohet se zyrtari policor, Alban Tolaj i dha fund jetës.
Tolaj dyshohet se u vetëvra në banesën e tij rreth orës 14:00 në banesën e tij në rrugën “Ahmet Korenica” në Prishtinë.
Sipas informacioneve të para që ka pranuar redaksia jonë, thuhet se zyrtari policor tashmë i ndjerë dyshohet se kohëve të fundit ka pasur probleme shëndetësore dhe një operim në zemër.
Rastin për lajmi.net e konfirmoi edhe Policia e Kosovës, ku thanë se ka elemente që çojnë të një vetëvrasje por që hetimet janë duke vazhduar.
“Rreth orës 14:45, kemi pranuar informatën për një trup të pa jetë, në rrugën “Ahmet Korenica” në Prishtinë. Policia menjëherë ka dalë në vendin e ngjarjes si dhe mjekët emergjent të cilët kanë konstatuar vdekjen e viktimës, mashkull, 47 vjeç, zyrtar policor. Mbështetur në informacionet e para nga vendi i ngjarje, përkundër që ka elemente që sugjerojnë për vetëvrasje, policia në koordinim me prokurorin e shtetit ka nisur një hetim mbi vdekjen dhe me kujdes të shtuar po shqyrton të gjitha aspektet e rastit për ndriçimin e plotë të rrethanave të kësaj ngjarje tragjike. Policia e Kosovës shpreh ngushëllimet më të thella për familjen, kolegët dhe miqtë e zyrtarit të ndjerë”, tha ai për Lajmi.net.
Ndërkaq, Policia bashkë me Forenzikën e kanë larguar trupin e pajetë të zyrtarit policor nga banesa e tij dhe po merren me rrethanat e rastit.
Ende nuk dihet për rrethanat e sakta të kësaj ngjarje, ndërkaq policia po vazhdon hetimet e thella për rastin./Lajmi.net/
