Në nenin 68, pika 3b, thuhet se pjesë e Kryesisë së Vetëvendosjes s’mund të jenë as këshilltarët komunal.

Aktualisht, Ylli Hoxha është Këshilltar Komunal në Prishtinë dhe shef i Grupit Parlamentar të Vetëvendosjes në këtë komunë.

E, anëtari i ri i Vetëvendosjes është emëruar në këtë pozitë duke mos u respektuar dispozita e dokumentit mbi të cilin funksionon Vetëvendosje.

Sidoqoftë, jashtë strukturave udhëheqëse të Vetëvendosjes kanë mbetur edhe Kryetari i Prishtinës, Shpend Ahmeti e Nënkryetari Dardan Sejdiu. Për këta të dy s’është shkelur statuti për t’i bërë pjesë të udhëheqjes partiake.

Ndryshe, Statuti i Vetëvendosjes parasheh ndërprerjen e mandatit për të gjithë ata që shkelin Statutin e Partisë, transmeton gazeta Express.