Përmes një komunikate për media, njoftohet se të gjithë të interesuarit për të kandiduar për kryetar të Vetëvendosjes, kanë afat deri më 21 janar (e mërkurë) që të paraqesin deklaratën e kandidaturës.

Më pas, të gjithë aktivistët e Vetëvendosjes në Kosovë por dhe në diasporë, do të kenë mundësinë që të votojnë për Kryetarin dhe Kryesinë e re.

“Aktivistët e interesuar për të kandiduar për pozicionin e Kryetarit të Lëvizjes Vetëvendosje duhet të paraqesin deklaratën e kandidaturës deri ditën e mërkurë, data 21 janar 2015, ora 12:00, pranë Komisionit Zgjedhor të Përgjithshëm të Lëvizjes Vetëvendosje në Sekretariatin e Përgjithshëm të Lëvizjes, ku mund të marrin edhe shpjegime të mëtejshme lidhur me këtë proces”.

“Aktivistët e Lëvizjes Vetëvendosje anembanë Republikës së Kosovës si dhe në Diasporë, do të kenë mundësinë që të votojnë për pozicionin e Kryetarit të Lëvizjes Vetëvendosje sipas parimit një anëtar – një votë”, thuhet në komunikatën për media të Vetëvendosjes.