Sipas shkencëtarëve, të keni një gotë verë të preferuar çdo herë mund t’ju ndihmojë të parandaloni infeksionet, raporton “dailyhealthpost”, transmeton lajmi.net.

Në 1988, disa studiues kryen një studim që provoi se si mikrobet mbijetojnë në pije. Ata përdorën shtatë lloje pijesh, duke përfshirë verën, birrën, mix-kosi, ije me gaz, sode diete, qumësht dhe ujë si mostra. Pastaj shtuan lloje të ndryshme patogjene si salmonella, shigella, dhe enterotoksigjenike Escherichia coli në të gjitha pijet dhe i lanë për 48 orë.

Gjetjet e tyre treguan se nga të gjitha pijet, vera kishte sasinë më të vogël të baktereve të gjalla. Ata zbuluan gjithashtu se patogjenët lulëzuan në qumësht dhe ujë dhe një numër i vogël vdiqën në birrë.

Cila është lidhja midis verës dhe fytit të lënduar?

Një grup tjetër studiuesish bëri një studim vijues që analizoi vetitë antibakteriale të verës në gojë. Ky studim i vitit 2007 u botua nga Journal of Agricultural and Food Chemistry.

Studiuesit posaçërisht testuan për efektin e verës në rritjen e Streptococci e cila shkakton pllakë dentare dhe Streptococcus, patogjen përgjegjës për dhimbjet e fytit. Rezultati i këtij studimi tregoi se ndërsa të dy llojet e verës kanë veti dezinfektuese, vera e kuqe vrau më shumë mikrobe se vera e bardhë.

Ndërsa pirja e verës mund të ndihmojë në trajtimin e pllakës dentare dhe dhimbjes së fytit, duhet të keni kujdes kur e përdorni sepse provat e forta thonë se mund të dëmtojnë edhe smaltin tuaj dentar. /Lajmi.net/