Ka vdekur në QKUK, motoçiklisti, i cili ishte aksidentuar me një çiklist javën e kaluar në Pejë.

Në njoftimin e Policisë, thuhet se motoçiklisti pas aksidentit si pasojë e lëndimeve të marra trupore ishte dërguar në QKUK për tretman mjekësor.

“Raportohet se kishte ndodhur një aksident trafiku me lëndime të rënda trupore në mes të një motoçiklete dhe një çiklisti me drejtues m/k. Si pasojë e lëndimeve të marra të dy drejtuesit kishin pranuar tretman mjekësor në QKUK. Më 30.06.2025 nga QKUK-ja është pranuar informatë se drejtuesi i motoçikletës si pasojë e lëndimeve të rënda në aksident kishte ndërruar jetë”.

Ndërkaq, me vendim të prokurorit, trupi i pajetë thuhet se është dërguar në Institutin e Mjekësisë Ligjore për obduksion. /Lajmi.net/