Një aksident me fatalitet raportohet të ketë ndodhur mbrëmë në rrugën “Ulqini” në jug të Mitrovicës.

Siç njofton Policia e Kosovës, një veturë ka goditur një këmbësorë i cili ka pësuar lëndime të rënda trupore.

Pas aksidentit i njëjti është dërguar për tretman mjekësor në QKUK, nga ku edhe është njoftuar më pas se viktima ka vdekur.

Trupi i pajetë i viktimës, mashkull rreth 76-vjeçar, është dërguar në Institutin e Mjekësisë Ligjore për obduksion./Lajmi.net/