Ish-komandanti i FSK-së, Rrahman Rama tha se operacioni për gjetjen e trupit të 33-vjeçarit në Liqenin e Ujmanit u politizua, dhe sipas tij kjo i demotivon pjesëtarët e Forcës së Sigurisë së Kosovës.

Sipas tij, politizimi i këtij rasti nuk i ndihmon as vendit e as institucionit që e ka kryer obligimin e vet.

“E keqja e kësaj është që politizohet ky rast fatkeqësie. Të politizohet kjo është diçka që realisht nuk mundesh me marrë me mend se cila është arsyeja”, tha Rama në Klan Kosova.

Ai nënvizoi se Ushtria dhe misioni është i Kosovës dhe i asnjë partie politike.

Derisa shtoi se ka pasur disa herë intervenime të FSK-së në veri të vendit, dhe madje përmendi 15 korrikun e vitit 2015 pikërisht në Ujman, rasti kur ishin ndeshur dy varka atje.