Një zjarr i madh ka përfshirë disa banesa në lagjën Emshir të Prishtinës.

Zjarri filloi fillmisht në njërën prej banesave të kësaj lagje, mirëpo më pas është përhapur edhe në banesat tjera.

Në vendngjarje reaguan menjëherë njësitë e zjarrfikësve, policisë dhe ekipet emergjente, të cilët tash e disa orë po përballen me zjarrin.

Zjarri po bëhet aq i rrezikshëm, sa që një strehe u shkëputet nga çatia e banesës dhe bie në tokë.

Ndërkohë zjarrfikësit dhe Policia po e mbajnë nën kontrollë situatën.