Skuadra e promovuar këtë edicion në Superligën e Kosovës, Arbëria, ka fituar në udhëtim kundër Besës së Pejës.

Me rezultatin 0:3, skuadra e Arbërisë ka marrë pikët e radhës në kuadër të Superligës së Kosovës, shkruan lajmi.net.

Goli i parë në këtë takim erdhi në minutën e 49’, kur rrugën deri te rrjeta e gjeti Llugiqi.

Rezultati u dyfishua nga Ibrahimi, në minutën e 70’, kurse rezultati final u vendos nga Qlirim Kashtanjeva, në minutën e 87’.

Arbëria tashmë është lidere e Superligës, me shtatë pikë të tubuara në 3 ndeshje të luajtura.

Besa mbetet me 0 pikë, në pozitën e fundit në tabelë. /Lajmi.net/