Varane: Hazard është shumë i motivuar, ai e njeh mirë skuadrën e Chelseat

11:36 | 26 Prill 2021

Mbrojtësi i Real Madridit, Raphael Varane ka folur edhe për Eden Hazard në prag të sfidës me Chelsean.

Real Madridi do të përballet me Chelsean në kuadër të gjysmëfinales së Ligës së Kampionëve në mesjavë, përcjell lajmi.net.

Fillimisht ai tregoi se skuadra e sheh këtë ndeshje si një finale.

“Nuk e di pse të gjithë i referohen nesër si një ndeshje e parë gjysmëfinale kundër Chelseat. Nga Zidane na është thënë që nesër është një Finale”, tha ai.

Në konferencën për shtyp para ndeshjes, Raphael Varane u pyet edhe për belgun Eden Hazard.

Hazard i cili është rikthyer nga lëndimi, thuhet të jetë i gatshëm për përballje me Chelsean.

“Ai është mirë, është rikthyer nga lëndimi dhe është i motivuar”, tha ai.

“Gjë e mirë për të është se ai tashmë e njeh skuadrën e Chelseat, dhe kjo është mirë për ne”, tha Varane.

“Hazardi është shumë i motivuar, një gjysmëfinale e Ligës së Kampionëve është motivuese për çdokënd, veçanërisht nëse je duke luajtur ndaj ish-klubit tënd”, përfundoi Raphael Varane./Lajmi.net/