Unikkatil më 27 korrik ka mbajtur koncert në stadiumin “Adem Jashari” në Mitrovicë, shkruan lajmi.net.

Ky koncert i reperit u mbajt pas shumë vitesh që nga ai i fundit që e mbajti në Prishtinë.

Bashkë me Unikkatil, në të njëjtën skenë kënduan edhe emra të njohur të estradës, siç janë Shkurte Fejza, Mozzik, Getinjo, Loredana, Melinda, e të tjerë.

Ani pse kohë më parë u tha se koncerti në Mitrovicë do të jetë i fundit në karrierën e Unikkatil, kjo gjë po del të jetë e pavërtetë.

Përveç se paralajmëroi se ka 80 këngë të papublikuara, Unikkatil duket se do të fillojë edhe të jetë aktiv me mbrëmje muzikore.

Në rrjete sociale po qarkullon një poster, përmes së cilit bëhet e ditur se reperi më 9 gusht do të performojë në një klub të Pejës.

Kujtojmë se projekti i fundit muzikor nga Unikkatil është “Shqiptar”, këngë kjo në bashkëpunim me Mozzikun. /Lajmi.net/