Një ngjarje e rëndë ka ndodhur më 4 korrik në orët e para të mëngjesit në Qendrën e Ndalimit të Stacionit Policor në Suharekë, ku një person ka humbur jetën në rrethana që janë cilësuar si të dyshimta.

Bëhej fjalë për Nazif Kololli, 46 vjeçar i cili sipas të dhënave të para dyshohet se është vetëngulfatur në qeli, gjatë qëndrimit në ndalim.

Pavarësisht ndërhyrjes së shpejtë të zyrtarëve policorë dhe ekipit të emergjencës, ai nuk ka arritur të mbijetojë, dhe vdekja e tij është konstatuar në vend nga mjeku kujdestar.

Për rastin sot ka folur për Gazetën Sinjali, edhe nëna e të ndjerit Nazif Kolollit, e cila ka kërkuar drejtësi.

Ajo dyshon se djali i saj nuk është vetëngulfatur.

“Unë po i du qato kamera që e paska myt vetë veten”, thotë ajo në një rrëfim prekës.