Zëdhënësi i Ushtrisë ukrainase, Andrej Lisenko tha se forcat ukrainase e kanë ndarë Donjeckun nga Lluhansku, qyteti tjetër i madh në distancë prej 1250 kilometrave.

“Forcat tona e kanë izoluar Donjeckun nga Lluhansk. Po punojmë për çlirimin e të dy qyteteve, por më mirë është që së pari të çlirojmë Donjeckun, ai është më i rëndësishëm”, tha ai, transmeton agjencia AFP.

Nga fillimi i operacioneve të çlirimit, në muajin maj, janë vrarë 568 pjesëtarë të Ushtrisë ukrainase, njoftoi ai gazetarët.

Në ndërkohë, 106 nga të burgosurit më të rrezikshëm kanë ikur nga burg i sigurisë së lartë në Donjeck, pasi burgi ishte goditur nga një granatë ukrainase.

Zëdhënësi i forcave pro-ruse, Maxim Rovensky deklaroi se në mesin e të ikurve nga burgu ka njerëz të dënuar për vrasje, plaçkitje dhe përdhunime.