Policia e Kosovës ka kërkuar bashkëpunim për gjetjen e një gruaje nga Lipjani e cila është raportuar e zhdukur që nga muaji nëntor.

Përmes një njoftimi për media, policia tha se gruaja e zhdukur quhet Arianita Gajtani, e lindur në vitin 1999, për kërkimin e së cilës janë realizuar një varg veprimesh, si: Intervistime të personave që mund të ndihmojnë në gjetjen e vendndodhjes së personit, Kontrollimi i hyrje- daljeve, në të gjitha pikat kufitare, kërkime në zona që personi kishte frekuentuar zakonisht (ambiente të mbyllura dhe të hapura), analizimi dhe hetimi i çdo lloj informacioni që lidhet me personin etj.

Policia gjithashtu njoftoi se kërkimet janë vazhduar, por që edhe kontributi i qytetarëve do të ishte i mirëseardhur për gjetjen e saj, që për çdo informatë eventuale të paraqiten në polici./Lajmi.net/