Tre shtetasve të Kosovës të dyshuar për terrorizëm u është shqiptuar një masë paraburgimi prej 30 ditëve, nga Gjykata në Prishtinë, raporton Koha.net.

Ata dyshohet të jenë marrë me terrorizëm dhe të kenë qenë disa herë në Siri për të luftuar si pjesë e një organizate terroriste.

Tre të dyshuarit janë kthyer në Kosovë para disa javësh. Të tre i përkasin një grupi të luftëtarëve nga rajoni i Kaçanikut.

Të dyshimtit dje u arrestuan nga Policia e Kosovës. (Koha.net)