Tre persona kanë pësuar lëndime trupore si pasojë e një rasti të dhunës në familje të raportuar në Komoran.

Sipas Policisë së Kosovës, i dyshuari pas një mosmarrëveshjeje verbale ka ushtruar dhunë fizike ndaj familjarëve të tij. Viktimat kanë marrë trajtim mjekësor.

Me vendim të prokurorit, i dyshuari është arrestuar dhe është dërguar në mbajtje.

“Komoran  29.07.2026 – 00:30. Është arrestuar i dyshuari mashkull kosovar, pasi që i njëjti pas një mosmarrëveshje verbale ka ushtruar dhunë fizike ndaj  familjarëve të tij. Tre viktimat kanë pranuar tretman mjekësor, ndërsa i dyshuari me vendim të prokurorit është dërguar në mbajtje”, thuhet në raport 24 orësh. /Lajmi.net/