Ndotja bëhet më e madhe kur mjetet e rënda që përdoren në sektorin e ndërtimit dhe të bujqësisë, lëvizin në rrugët kryesore pa u pastruar nga balta.

Mjetet që përdoren në sektorin e ndërtimit dhe ato që transportojnë rërë dhe materiale ndërtimi me tonazh të rëndë, jo rrallëherë janë shkak i dëmtimit dhe ndotjes së rrugëve.

Qytetarët thonë se një nga shkaqet kryesore të papastërtisë në rrugë janë përdorimi i këtyre mjeteve motorike jashtë standardeve.

Argjend Zejnaj nga Ministria e Infrastrukturës, thotë se sipas Nenit 44 të Ligjit për Rregullat e Trafikut Rrugor, shoferi i cili me mjet hyn nga rruga e dheut në rrugë të shtruar, duhet ta ndalë mjetin dhe ta heqë baltën nga gomat.

Pjesëmarrësit në trafik që veprojnë në kundërshtim me dispozitat e këtij neni, dënohet me kundërvajtje me gjobë prej 50 eurosh./rtk/