Në zonën e “Qytetit Studenti” ka ndodhur një tjetër sherr me thikë, si pasojë e të cilit një person është plagosur.

Sipas A2 CNN, autori dhe i plagosuri janë të dy studentë.

I plagosuri me thikë është 19-vjeçari Aron Demiraj. Sipas burimeve, ai ka marrë tre plagë: një në brinjë, një në qafë dhe një në shpatull.

Ngjarja ndodhi ndërkohë që qytetarët po protestojnë para Ministrisë së Arsimit disa ditë pas vrasjes po me thikë të një 14-vjeçari në shkollën “Fan Noli”, nga shoku i tij i klasës.